بە ڕاپۆرتی ئاژانسی هەواڵی مێهر، کەمێک پێش ئێستا ڕێوڕەسمی ڕادەست کردنی دوو کەشتیی ئەسکۆرت لە کلاسی شەهید سولەیمانی لە یەک کاتدا پەیوەست بوون بە هێزی دەریایی سوپای پاسدارانی شۆڕشی ئیسلامی ئێرانەوە.
سەردار باقری، سەرۆکی ئەرکانی گشتیی هێزە چەکدارەکان، سەرلەبەیانی ئەمڕۆ - ٣٠ی ڕێبەندان - لە ڕێوڕەسمی پەیوەست بوونی دوو کەشتی شەهید سەیاد شیرازی و شەهید حەسەن باقری بە هێزی دەریایی سپا وتی: بە زیادکردنی هەردوو کەشتی شەهید سەیاد شیرازی و شەهید حەسەن باقری بۆ هێزی دەریایی سپای پاسداران، یەکەم کۆپاپۆڕی تیپی قورسی هێزی دەریایی سپای پاسداران بە فەرمی پێک دێت.
ئەم کەشتییە یەکێکە لە یەکەم سەر ئاوگەڕا وێرانکەرە قورسەکانی هێزی دەریایی سوپا؛ وێرانکەر لە کلاسی شەهید سولەیمانی کە لەلایەن شارەزایانی ناوخۆی وڵات و هێزی دەریایی سوپاوە دروستکراوە و بەهۆی تایبەتمەندییەکانیەوە لە ڕادار دا نابینرێت.
Your Comment